بیجنگ (شِنہوا) بیجنگ میں 2022 میں یومیہ 293 سائنس و ٹیکنالوجی کاروباری ادارے قائم کئے گئے جو کہ 2012 کی نسبت 3.8 گنا زائد ہے۔

ژونگ گوان کن فورم 2023 بارے ایک پریس کانفرنس کے مطابق 2022 میں بیجنگ میں فی 10 ہزار افراد پر ایجادات کے پیٹنٹ کی تعداد 218 تک پہنچ گئی جو 2012 کے مقابلے میں 6.5 گنا زائد ہے۔ یہ فورم 25 سے 30 مئی تک چین کے دارالحکومت بیجنگ میں منعقد ہوگا۔

شہر میں ٹیکنالوجی تجارتی معاہدوں کا کاروبار 2022 میں 794.75 ارب یوآن (تقریباً 114.28 ارب امریکی ڈالرز) تک پہنچ گیا جو 2012 سے 3.2 گنا زیادہ ہے۔

ژونگ گوان کن ملک کا پہلا قومی اعلیٰ ٹیکنالوجی صنعتی ترقیاتی علاقہ ہے جس کا بیجنگ کی سائنسی و تکنیکی اختراع میں بڑا حصہ ہے۔

یہ  فورم 2007 میں قائم ہوا تھا جو اب قومی سطح پر کھلا اختراع پلیٹ فارم بن چکا ہے۔ رواں سال کے فورم کا موضوع "مشترکہ مستقبل کے لئے کھلا تعاون" ہے جس میں کانفرنسز، نمائشیں، تحقیقی کامیابیوں کے اجراء، جدید ترین شعبوں میں مقابلے اور ٹیکنالوجی کی تجارت شامل ہو گی۔