بیجنگ(شِنہوا)چین کے دارالحکومت بیجنگ کے مینتوگو ضلع میں ہفتہ کی شام شروع ہونے والی مسلسل موسلادھار بارشوں کے باعث پیر کو  دو افراد مردہ پائے گئے۔

مقامی حکام کے مطابق پیر کی صبح ضلع میں ہنگامی گشت کے دوران دونوں افراد کو ایک ندی میں مردہ حالت میں پایا گیا۔

مینتوگو میں ہفتے کو رات 8 بجے سے پیر کی دوپہر تک متعدد مقامات  پر ریکارڈ کی گئی اوسط بارش 320.8 ملی میٹر تک پہنچ گئی۔

بیجنگ میں محکمہ موسمیات کے حکام نے پیر کی صبح بارش کے طوفان کے لیے ریڈ الرٹ برقرار رکھتے ہوئے خبردار کیا کہ چھوٹے اور درمیانے درجے کے دریاؤں میں سیلاب اور مٹی کے تودے گرنے کا خطرہ ہے۔