تیانجن (شِنہوا) تیانجن انٹرنیشنل شپنگ انڈسٹری ایکسپو 2023"پوری دنیا میں شپنگ، مستقبل کی رہنمائی" کے عنوان سے جمعرات کو تیانجن میں شروع ہوگئی، جس کا مقصد  عالمی شپنگ انڈسٹری اور سمندری معیشت کی ترقی فروغ دینا ہے۔

چین میں سب سے زیادہ مکمل کیٹیگریز کےساتھ تیانجن کے نیشنل کنونشن اینڈ ایگزیبیشن سنٹر میں پہلی جامع شپنگ انڈسٹری کی تین روزہ ایکسپو میں  22 ممالک اور خطوں سے 400 سے زائد کاروباری ادارے اور معروف عالمی بندرگاہوں کے حکام شریک ہیں،  جس میں جدید ترین سائنسی تحقیقی کامیابیوں، آلات، سافٹ ویئر ٹیکنالوجی اور شپنگ کے شعبے میں بین الاقوامی تعاون کے مواقع پیش کیے گئے ہیں۔

50ہزار مربع میٹر کے کل بوتھ ایریا پر مشتمل ایونٹ میں نمائش کے سات ایریاز میں بین الاقوامی شپ اوونرز زون، شپ اینڈآف شور آلات ، اسمارٹ گرین پورٹس ، پورٹ مشینری اور آلات ، شپنگ لائف ، شپنگ سروسز اور لاجسٹکس سروسز کے زونز  شامل ہیں۔

اس ایکسپو کے دوران فورمز، کانفرنسز اور سرمایہ کاری کے فروغ اور مذاکراتی اجلاس منعقد کئے جائیں گے۔