بیجنگ (شِںہوا) چین کا دارالحکومت بیجنگ 2024 میں سوئفٹ انٹرنیشنل بینکرز آپریشن سیمینار (سیبوس) فنانشل سروسز فورم کی میزبانی کرے گا۔

بیجنگ حکام اور سوسائٹی فار ورلڈ وائیڈ انٹر بینک فنانشل ٹیلی کمیونیکیشن (سوئفٹ) کے مشترکہ اعلان کے مطابق  یہ سالانہ کانفرنس 21 سے 24 اکتوبر 2024 تک چائنہ نیشنل کنونشن سینٹر میں منعقد ہوگی۔

بیجنگ میونسپل بیورو آف لوکل فنانشل ریگولیشن اینڈ سپرویژن نے بتایا کہ بیجنگ میں منعقدہ یہ فورم چین کی مالیاتی صنعت کے کھلے پن میں ایک اہم سنگ میل ثابت ہوگا۔

یہ چین اور بین الاقوامی مالیاتی اداروں کے درمیان رابطوں کو فروغ دے گا اور مالیاتی ڈیجیٹل تبدیلی آگے بڑھائے گا جس سے چین عالمی مالیاتی صنعت کی ترقی میں اپنا حصہ ڈالنے کے قابل ہوجائے گا۔

سیبوس کے 1978 سے اب تک 44 اجلاس ہو چکے ہیں۔ اس میں ہرسال 150 سے زائد ممالک اور خطوں سے 7 ہزار سے 9 ہزار مالیاتی ایگزیکٹوز اور ماہرین شرکت کرتے ہیں۔

بیجنگ کے مجموعی مالیاتی اثاثے1900 کھرب یوآن (تقریباً277 کھرب امریکی ڈالرز) سے زائد ہوچکے ہیں جو ملک کے مجموعی کا تقریباً نصف ہے جبکہ اس کی مالیاتی صنعت کی ویلیو ایڈڈ  پیداوار اس کی مجموعی مقامی پیداوار کا تقریباً پانچواں حصہ ہے۔