دونوں شہروں کے وفود کے ساتھ ساتھ بلغاریہ کے کاروباری اور دیگر اداروں کے نمائندوں نے بھی اس میں شرکت کی۔ اس موقع پر چین اور بلغاریہ کے درمیان سفری خدمات میں تعاون کو فروغ دینے بارے متعدد معاہدوں پر دستخط ہوئے۔
بلغاریہ میں چین کے سفیر ڈونگ شیاؤجن نے کہا کہ ثقافت ایک پل کی مانند ہے جو دوستی مضبوط بناتی اور دو طرفہ رابطوں میں سہولت مہیا کرتی ہے جبکہ سیاحت ایک کھڑکی کی مانند ہوتی ہے جس سے لوگ غیر ملکی ثقافت سیکھتے اور دنیا کو جانتے ہیں۔
ڈونگ نے کہا کہ یہ تقریب ثقافتی سیاحت کے شعبے میں بین الاقوامی تعاون کو مستحکم بنانے بارے چین کی خواہش اور اعتماد کا اظہار ہے۔
بلغاریہ کی نائب وزیر سیاحت میریلا موڈیوا نے کہا کہ نئی اور باہمی فوائد پر مبنی پالیسیوں اور اقدامات سے دوطرفہ تعاون اور سمجھ بوجھ کو گہرا کرنے میں مدد ملے گی اور اس طرح دونوں ممالک کے عوام کے درمیان روایتی دوستی مستحکم ہوگی۔
موڈیوا نے کہا کہ شعبہ سیاحت میں چین کے ساتھ باہمی مکالمے کو مستحکم کرنے اور مشترکہ اقدامات کو وسعت دینے کے لئے ان کی وزارت پرعزم ہے۔
انہوں نے کہاکہ وہ مستقبل کے چیلنجزاور مواقع دونوں سے نمٹنے کے لئے (اپنے چینی ہم منصبوں) سے مل کر کام کرنے کی منتظر ہیں۔
