بنکاک (شِںہوا) تھائی لینڈ کے دارالحکومت بنکاک میں میں منعقدہ ایک بین الاقوامی سمپوزیم میں ماہرین اور اسکالرز نے کہا کہ روایتی چینی ادویات (ٹی سی ایم) عالمی سطح پر ٹی سی ایم کے فروغ کی ضروری مشترکہ کوششوں کے سبب دنیا بھر میں مقبولیت حاصل کررہی ہے۔

ورلڈ فیڈریشن آف آ کو پنکچر- موکسیبسیشن سوسائٹیز (ڈبلیو ایف اے ایس) 2023 انٹرنیشنل سمپوزیم آن آ کو پنکچر- موکسیبیشن میں 20 ممالک اور خطوں کے 100 سے زائد اسکالرز نے شرکت کی۔

سمپوزیم میں ماہرین اور اسکالرز نے اپنے تازہ ترین تحقیقی نتائج شیئر کئے اور دنیا بھر میں ضرورت مند افراد کو فائدہ پہنچانے کے لئے روایتی چینی ادویات کے فروغ کی حکمت عملی پر تبادلہ خیال کیا۔

چینی اکیڈمی آف انجینئرنگ کے ماہر تعلیم وویی لنگ نے کہا کہ روایتی چینی ادویات خاص کر چینی آ کو پنکچر نے حالیہ برسوں میں دنیا بھر میں وسیع پیمانے پر قبولیت حاصل کی اور زیادہ سے زیادہ لوگوں نے اس کی اہمیت اور فوائد کو تسلیم کیا ہے۔  عالمی سطح پر روایتی چینی ادویات کی ترقی کو اب بھی چیلنجز کا سامنا ہے اور اس کی بین الاقوامیت اور جدیدیت آگے بڑھانے کے لئے مشترکہ کوششیں درکار ہیں۔

وو نے کہا کہ صحت یابی میں اپنے جامع اور کثیر الجہتی نقطہ نگاہ کی بدولت روایتی چینی ادویات مغربی ادویات سے مختلف ہے تاہم روایتی چینی ادویات یا مغربی ادویات دونوں مریضوں کی صحت کو فوقیت دیتی ہیں۔

انہوں نے مزید کہا کہ روایتی چینی ادویات کو عالمی منڈیوں میں داخل ہونے کے لئے بین الاقوامی معیار پر عملدرآمد کرنا چاہئے اور روایتی چینی ادویات بارے غلط فہمی دور کرنے کے لئے علاج اور ڈاکٹروں کے ذاتی تجربے کے علاوہ عملی ثبوت کی درکار ہیں۔

وو چین کے شمالی صوبے ہیبے کے صدر مقام شی جیا ژوآنگ میں قائم دوا ساز کمپنی یی لنگ فارماسیوٹیکل کے بانی ہیں۔