بیجنگ (شِنہوا) چینی وزیرخارجہ وانگ یی نے کہا کہ چین بھوٹان کے ساتھ سرحدی مذاکرات کو جلد از جلد مکمل کرنے اور سفارتی تعلقات قائم کرنے کو تیار ہے۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے یہ بات بھوٹان کے وزیر خارجہ ٹنڈی ڈورجی سے ملاقات کے دوران کہی ۔ وہ سرحدی مذاکرات کے لیے چین میں ہیں۔
وانگ نے کہا کہ چین اور بھوٹان پہاڑوں اور دریاؤں سے جڑے ہیں اور ان کے درمیان گہری روایتی دوستی ہے۔ سرحدی مذاکرات حتمی نتیجہ پر پہچنا اور دونوں ممالک کے درمیان سفارتی تعلقات کا قیام بھوٹان کے طویل مدتی اور بنیادی مفادات کو مکمل طور پر پورا کرتا ہے۔
وانگ نے کہا کہ دونوں فریقین اس تاریخی موقع سے اٹھاکر اہم کام کو جلد از جلد مکمل کریں تاکہ دونوں ممالک کے درمیان دوستانہ تعلقات کو قانونی شکل دیکر انہیں فروغ دیا جاسکے۔
وانگ نے یہ بھی کہا کہ چین نے ہمیشہ اپنے مجموعی سفارت کاری ڈھانچے میں ہمسایہ سفارتکاری کو اولین ترجیح دی ہے اور چین تمام ممالک کی خودمختاری، آزادی اور علاقائی سالمیت کا احترام کرتا ہے۔
ٹنڈی ڈورجی نے بھوٹان کی بھرپور حمایت اور مدد پر چین کا شکریہ ادا کرتے ہوئے کہا کہ بھوٹان ایک چین اصول پر سختی سے قائم ہے۔
انہوں نے کہا کہ بھوٹان سرحدی تنازع کے جلد حل اور سفارتی تعلقات قائم کرنے کے سیاسی عمل کو آگے بڑھانے میں چین کے ساتھ ملکر کام کرنے کو تیار ہے۔
انہوں نے کہا کہ چین کے تجویز کردہ گلوبل ڈیویلپمنٹ انیشی ایٹو (جی ڈی آئی)، گلوبل سیکیورٹی انیشی ایٹو (جی ایس آئی) اور گلوبل سویلائزیشن انیشی ایٹو (جی سی آئی) کو بھوٹان سراہتا اس کا حامی ہے ۔ یہ بھوٹان سمیت تمام فریقوں، خاص طور پر ہمسایہ ممالک کو فائدہ پہنچاتا ہے۔
