لندن (شِنہوا) برطانوی کمپنی ریزل  2023 چائنہ انٹرنیشنل فیئر فار ٹریڈ ان سروسز (سی آئی ایف ٹی آئی ایس) میں اپنی جدید ترین ٹیکنالوجی متعارف کروا رہی ہے۔

کمپنی  کے شریک بانی اینڈی ایچز کو یقین ہے کہ وہ اس کے ذریعے  شرکاء کی توجہ اپنی جانب مبذول کرائیں گے۔

مانچسٹر میں قائم اسپورٹس ٹیکنالوجی کمپنی ریزل سی آئی ایف ٹی آئی ایس میں برطانوی نمائش کنندگان میں سے ایک ہے جو 2 سے  6ستمبر تک بیجنگ میں منعقد ہو رہا ہے اور اس میں فورمز، مذاکرات اور سمٹ سمیت 200 سے زائد مختلف ایونٹس شامل ہیں۔

ایچز نے شِنہوا کے ساتھ ایک حالیہ انٹرویو میں کہا کہ ریزل اپنے کچھ سافٹ ویئرز کا مظاہرہ  کرے گی جو فٹ بال کھلاڑیوں، شائقین اور کسی بھی  شخص  کو یہ دیکھنے کا موقع فراہم کرتا ہے کہ ٹاپ اسٹیڈیم میں گول کرنا کیسا لگتا ہے۔

انہوں نے کہا کہ اس ٹیکنالوجی کی ایک خاص بات ورچوئل رئیلٹی (وی آر) کا استعمال ہے تاکہ فٹ بال کے شائقین اتحاد اسٹیڈیم میں گول کر سکیں جو پریمیئر لیگ کلب مانچسٹر سٹی کا مقام ہے۔

جو لوگ اس تجربے کی کوشش کریں گے وہ ایک ہیڈسیٹ لگائیں گے جس کے بعد وہ  اچانک ایک بڑے فٹ بال اسٹیڈیم میں پہنچنے کا تجربہ حا صل کریں گے۔  وہ ایک گول دیکھیں گےاور ان کے پاس ایک چھوٹا سا کھیل ہوگا جو وہ کھیل سکتے ہیں جس سےانہیں یہ تجربہ حاصل ہو گا کہ اعلیٰ معیار کا کھیل کھیلنا کیسا ہوتا ہے۔