بیجنگ(شِنہوا) چین کے ایٹمی توانائی کے ادارے نے کہا ہے کہ جاپان کی جانب سے فوکوشیما کے تابکاری سے آلودہ پانی کو سمندرمیں چھوڑنے سے سمندری ماحول کے حقوق اور مفادات کو شدید خطرات لاحق اورعالمی جوہری توانائی کی صنعت کی سلامتی اور ترقی کے مفادات کو نقصان پہنچاہے۔ چائنہ اٹامک انرجی اتھارٹی (سی اے ای اے) نے ایک بیان میں کہا ہے کہ جاپانی حکومت کے اس اقدام سے بین الاقوامی ایٹمی توانائی ایجنسی (آئی اے ای اے) کے اختیارات اور اعتمادکو بری طرح سے مجروح کیا گیا ہے۔ سی اے ای اے نے کہا کہ فوکوشیما کے تابکاری سے آلودہ پانی کے اخراج کے منصوبے کا آئی اے ای اے کا جائزہ جاپان کی یکطرفہ درخواست پر کیا گیا، جو اصل  میں ایک تکنیکی مدد اور مشاورتی جائزہ تھا ، جس کی کوئی بین الاقوامی قانونی حیثیت نہیں تھی اور یہ جائزہ رپورٹ جاپان کو اس کے جوہری آلودہ پانی کے اخراج کے لیے کوئی جواز فراہم نہیں کرتی۔