جینان (شِنہوا) 12ویں چائنہ انٹلیکچوئل پراپرٹی سالانہ کانفرنس (سی آئی پی اے سی) 19 سے 20 ستمبر تک چین کےمشرقی صوبے شان ڈونگ کے دارالحکومت جینان میں منعقد ہوگی، جو عالمی سطح پر جدت کے تبادلوں  اور تعاون کا ایک پلیٹ فارم ہے۔

کانفرنس کے منتظمین نے پیر کو  ایک پریس کانفرنس میں بتایا کہ انٹلیکچوئل پراپرٹی سپورٹنگ آل راونڈ جدت " کے عنوان سے سی آئی پی اے سی 2023 میں عالمی سطح کے جدت کاروں، آئی پی سروس فراہم کنندگان  اور متعلقہ فنانسرز کے لیے 30 سے زائد ایونٹس ہوں گے۔

دو روزہ کانفرنس میں اندرون و بیرون ملک سے 160 سے زائد مہمان خطاب کریں گے۔ مقررین میں بین الاقوامی اور علاقائی آئی پی تنظیموں کے نمائندے، عالمی شہرت یافتہ سائنسدان اور کاروباری شخصیات شامل ہیں۔

شرکاء مصنوعی ذہانت، ماحول دوست صنعتوں اور بائیو ادویات سے متعلقہ  آئی پی قوانین، تخلیق، تحفظ، اطلاق، خدمات اور بین الاقوامی تعاون کے موضوعات پر گفتگو کریں گے۔