بیجنگ (شِنہوا) چائنہ ڈیویلپمنٹ فورم (سی ڈی ایف) 2023 بیجنگ کے دیایوتائی اسٹیٹ گیسٹ ہاؤس میں 25 مارچ سے 27 مارچ تک آف لائن منعقد ہوگا۔

اسٹیٹ کونسل کے ڈیویلپمنٹ ریسرچ سینٹر (ڈی آر سی) کے ڈپٹی ڈائریکٹر ژانگ لا ئی منگ نے ایک پریس کانفرنس میں کہا کہ "اقتصادی بحالی: مواقع اور تعاون" کے عنوان سے رواں سال کا سی ڈی ایف چینی مارکیٹ میں مواقع، عالمی صنعتی چینز کے استحکام اور سبز منتقلی پر توجہ مرکوز کرے گا۔

ژانگ نے کہا کہ 100 سے زائد غیر ملکی مندوبین فورم میں شرکت کریں گے، جن میں معروف ملٹی نیشنل کمپنیوں کے ایگزیکٹوز، اوورسیز اسکالرز اور بین الاقوامی تنظیموں کے نمائندے شامل ہوں گے۔

 انہوں نے مزید کہا کہ چینی مرکزی حکومت کے محکموں کے حکام فورم میں چین کی پالیسی اورینٹیشن متعارف کرائیں گے۔

انہوں نے کہا کہ اتفاق رائے پیدا کرنے سے عالمی معیشت کی بحالی میں مدد ملے گی۔

ڈی آر سی کی میزبانی میں سی ڈی ایف ایک سالانہ اعلیٰ سطح کی بین الاقوامی کانفرنس ہے جس کا مقصد "مشترکہ خوشحالی کے لیے دنیا کے ساتھ مشغول ہونا" ہے۔