بیجنگ(شِنہوا) ایک چینی پروکیوریٹوریٹ نے رشوت خوری اور بیرون ملک اثاثے چھپانے کے مبینہ جرائم پر سابق پارٹی سربراہ اور چائنہ لائف انشورنس (گروپ) کمپنی کے چیئرمین وانگ بن پر فرد جرم عائد کر دی ہے۔
سپریم پیپلز پروکیوریٹوریٹ (ایس پی پی) نے جمعرات کو ایک بیان میں بتایا کہ فرد جرم کے مطابق وانگ بن نے زرعی ترقیاتی بینک آف چائنہ کی جیانگ شی برانچ، بینک آف کمیونیکیشنز ، چائنہ لائف انشورنس (گروپ ) کمپنی سمیت مختلف مالیاتی اداروں میں اپنی پوسٹوں کا فائدہ اٹھاتے ہوئے دوسروں کو نفع پہنچایا اور بدلے میں تحائف اور خصوصاً بھاری رقم وصول کی۔
ایس پی پی نے بتایا کہ نیز وانگ بن پر ریاستی ملازم ہونے کے ناطے متعلقہ قوانین کی خلاف ورزی کرتے ہوئے بیرون ملک رکھی گئی بچت کی بھاری رقم کو چھپانے کا الزام بھی لگایا گیا ہے۔
وانگ بن کا مقدمہ صوبہ شان ڈونگ کے شہر جینان کے پروکیوریٹوریٹ کی جانب سے شہر کی انٹرمیڈیٹ عدالت میں دائر کیا گیا ہے۔
ایس پی پی کے بیان میں کہا گیا ہے کہ استغاثہ نے مدعا علیہ کو اس کے قانونی چارہ جوئی کے حقوق سے آگاہ کیا، اس سے پوچھ گچھ کی اور وکلاء کی رائے سنی۔
