بیجنگ(شِنہوا)چائنہ ڈویلپمنٹ بینک نے کہا ہےکہ اس نے 2023 میں 191.3 ارب یوآن (تقریباً 26.92 ارب ڈالر) قرضے جاری کیے ہیں تاکہ پانی کے تحفظ کے منصوبوں کی تعمیر کے لیے مزید درمیانی اور طویل مدتی مالی مدد فراہم کی جا سکے۔

بینک نے ایک بیان میں کہا کہ ان فنڈز سے ملک بھر میں پانی کے تحفظ کے بڑے اقدامات میں معاونت ملی ہے جن میں دریائے یانگسی سے دریائے ہان تک پانی فراہم کرنے کا منصوبہ  اور بے بو خلیج کے علاقے میں گوانگ ڈونگ آبی وسائل مختص کرنے کا منصوبہ شامل ہے۔

اس قرضوں سے دیگر کوششوں کے سلسلے کی بھی مدد ملی  ہے جن میں جیانگ شی اور فوجیان کے شہری اور دیہی علاقوں کے لیے پانی کی مربوط انداز میں فراہمی اور یون نان اور ہیبے کے دیہی علاقوں میں پانی کی فراہمی کے اقدامات شامل ہیں۔