تیانجن(شِنہوا)13 ویں چائنہ ٹورازم انڈسٹری ایکسپو کا آغاز جمعہ کو چین کی شمالی تیانجن میونسپلٹی میں ہوا جس میں ثقافت اور سیاحت کے شعبے میں بین الاقوامی تعاون اور صنعتی جدت کو اجاگر کیا گیا ہے۔

چینی وزارت ثقافت وسیاحت اور تیانجن کی میونسپل حکومت کی مشترکہ میزبانی میں تین روزہ ایکسپو میں سات نمائشی علاقے ہیں جو کل 1 لاکھ 20 ہزارمربع میٹر پر محیط ہیں۔

 نمائش میں خصوصی فورمز اور کاروباری گفت و شنید سمیت وسیع پیمانے پر سرگرمیاں شامل ہیں جس نے 2 ہزار سے زیادہ ثقافتی وسیاحتی اداروں کو راغب کیا ہے۔

ورلڈ ٹورازم الائنس کے سربراہ ژانگ شو نے اس حوالے کہا کہ سیاحت لوگوں کی بہتر زندگی کی ضروریات کو پورا کرنے اور قومی اقتصادی ترقی کے معیار کو بہتر بنانے میں ایک ناقابل تلافی کردار ادا کرتی ہے۔