بیجنگ(شِنہوا) چین اپنی پہلی بین الاقوامی سپلائی چین ایکسپو کو اعلیٰ سطح کے کھلے پن کے لیے ایک نئے پلیٹ فارم کے طور پر فروغ دینے کے اقدامات کر رہا ہے۔

پہلی چائنہ انٹرنیشنل سپلائی چین ایکسپو (سی آئی ایس سی ای) 28 نومبر سے 2 دسمبر تک بیجنگ میں منعقد ہوگی۔ چائنہ کونسل فار پروموشن آف انٹرنیشنل ٹریڈ کے صدر رین ہونگ بن نے کہا کہ ایونٹ کے لئے 100 دن باقی ہیں اور  تیاریاں تیزی سے جاری ہیں۔

رین نے کہا کہ 300 سے زائد چینی اور غیر ملکی کاروباری اداروں نے پہلے ہی ایکسپو میں اپنی شرکت کی تصدیق کر دی ہے  جو ایکسپو اور چینی مارکیٹ کی مضبوط کشش کا عکاس ہے۔

چائنہ نیشنل مشینری انڈسٹری کارپوریشن کے ڈپٹی جنرل مینیجر ژاؤ کائی چھوان نے کہا کہ کمپنی ایکسپو میں اپنی جدید ترین تکنیکی ترقی اور جدید ذہین زرعی مشینری کے آلات کی نمائش کرے گی۔

ژونے کہا کہ سی آئی ایس سی ای کے آغاز کے ساتھ کمپنی سپلائی چین میں بڑے، درمیانے اور چھوٹے کاروباری اداروں کو مربوط کرنے کی امید کرتی ہے  تاکہ عالمی زرعی مشینری صنعتی وسپلائی چین کے تحفظ اور استحکام کو برقرار رکھنے کے لئے مشترکہ طور پر تعاون حاصل کیا جاسکے۔

جی ای ہیلتھ کیئر چائنہ کے صدر اور سی ای او ژانگ یی ہاؤ نے کہا کہ چین میں کمپنی کے پاس اب پانچ پیداواری بیسز اور تقریباً 7 ہزار ملازمین ہیں اور چین میں مزید جدید مینوفیکچرنگ ٹیکنالوجیز اور پروڈکشن لائنز لانے پر غور کر رہی ہے۔

سی آئی ایس سی ای کی پانچ سپلائی چینز میں  اسمارٹ گاڑیاں، سبز زراعت، صاف توانائی، ڈیجیٹل ٹیکنالوجی اور صحت مند زندگی شامل ہیں۔

 اس میں سپلائی چین سروس کے لئے نمائشی علاقہ بھی ہوگا۔