بیجنگ (شِنہوا) چین کے پالیسی بینکس میں سے ایک چائنہ ڈیویلپمنٹ بینک نے ملک کے دوسرے طویل ترین دریائے زرد کے ماحولیاتی تحفظ کے لیے اپنی مالی امداد میں اضافہ کر دیا ہے۔

10 اگست تک پالیسی بینک نے دریائے زرد کے ماحولیاتی تحفظ اور بحالی کے بڑے منصوبوں کی تعمیر میں معاونت کے لئے 40 ارب یوآن (تقریباً 5.6 ارب امریکی ڈالرز) کے درمیانے اور طویل مدتی قرضے جاری کئے ہیں۔

ان منصوبوں میں بنیادی طور پر جامع بہتری، آبی وسائل کے تحفظ اور استعمال، قدرتی آفات کی روک تھام اور کنٹرول اور آلودگی کے خاتمے پر توجہ مرکوز کی گئی ہے۔

بینک نے دریائے زرد کے ماحولیاتی تحفظ کو درپیش مالی مشکلات کو حل کرنے میں مدد جاری رکھنے کا وعدہ کیا ہے۔

پالیسی بینک نے رواں سال کی پہلی ششماہی کے دوران ملک بھر میں پانی کی بچت کے بڑے منصوبوں کی تعمیر کو فروغ دینے کے لیے 110.2 ارب یوآن کے قرضے جاری کئے ہیں۔