شنگھائی (شِںہوا) چھٹی چائنہ بین الاقوامی درآمدی و برآمدی نمائش (سی آئی آئی ای) کی تیاری زور و شور سے جاری ہے۔ نمائش شنگھائی میں 5 سے 10 نومبر تک آف لائن منعقد ہوگی۔

قومی نمائش اور کنونشن مرکز (شنگھائی) کمپنی لمیٹڈ کے شعبہ سی آئی آئی ای کے جنرل منیجر فانگ ہوئی کی پریس بریفنگ میں بتایا گیا ہے کہ معاہدہ شدہ کاروباری نمائش کا علاقہ 2 لاکھ 60 ہزار مربع میٹرز سے زائد ہوچکا ہے جس میں خوراک و زرعی مصنوعات، گاڑیاں ، ذہین صنعتیں ، انفارمیشن ٹیکنالوجی ، اشیائے صرف ، طبی سازوسامان، صحت نگہداشت مصنوعات ، اور خدمات میں تجارت سمیت دیگر شعبے شامل ہیں۔

اب تک 300 سے زائد نمائش کنندگان چھٹی چائنہ بین الاقوامی درآمدی و برآمدی نمائش میں شرکت کا اعلان کرچکے ہیں۔ ان تمام کمپنیوں اور تنظیموں کے پاس نسبتاً بڑے نمائشی علاقے ہیں۔

چھٹی چائنہ بین الاقوامی درآمدی و برآمدی نمائش بیورو کے نمائش کنندگان کی ریکروٹمنٹ ڈویژن کے ڈائریکٹر سوئی ینگ کے مطابق چھٹی چائنہ بین الاقوامی درآمدی و برآمدی نمائش آف لائن کنٹری نمائش دوبارہ شروع کررہی ہے۔

 چھٹی چائنہ بین الاقوامی درآمدی و برآمدی نمائش کی عالمی تشہیری سرگرمیاں ایشیا، افریقہ، یورپ اور   بحر الکا ہل کے جز ائر سمیت  10 سے زائد ممالک اور خطوں میں پہلے ہی منعقد کی جاچکی ہیں۔

سوئی نے بتایا کہ ہم خواہش مند ممالک کو دعوت دیتے ہیں کہ وہ اپنی ترقیاتی کامیابیوں، فائدہ مند صنعتوں، ثقافت ، سیاحت، اور نمائندہ کاروباری اداروں کو متعارف کر واتے ہو ئے اپنی قومی ساکھ اجاگر کریں۔