بیجنگ (شِنہوا) فین شوان ژی اپنی زندگی کے اب تک کے سب سے اہم امتحان دینے بدھ کی علی الصبح وسطی بیجنگ کے ایک امتحانی مرکز پہنچی۔

شِنہوا سے بات چیت میں اپنا فرضی نام بتانے والی فین ، چین بھر کے ان تقریباً 1 کروڑ 30 لاکھ نوجوانوں میں شامل ہیں جو رواں سال کالج کے داخلہ امتحان میں شریک ہیں۔

18 سالہ لڑکی موٹر سائیکل پرسوارتھی اور اس کی والدہ نے روایتی چینی لباس زیب تن کررکھا تھا جسے " چھی پاؤ" کہا جاتا ہے۔ چینی زبان میں  "سواری" اور "چھی پاؤ " کا مطلب " پرچم" ہے جو فتح کی علامت ہے۔

منگل کو فین نے اپنے والدین کی جانب سے امتحانی مرکز کے قریب ایک ہوٹل کے کمرے میں رہنے کی پیشکش ٹھکرادی اور اس نے اپنے بستر پر سونے پر اصرار کیا۔ انہوں نے اپنے والدین کی محبت کا شکریہ ادا کرنے کے لئے ایک مختصر ویڈیو بھی بنائی  جسے انہوں نے اپنے والدین کو پیش کیا۔

وزارت تعلیم کے مطابق رواں سال کے لیے شرکت کنندگان کی تعداد 1 کروڑ 29 لاکھ 10 ہزار ہے جو گزشتہ برس سے 9 لاکھ 80 ہزار زائد ہے ۔ ان کے امتحانات 2 سے 4 دن تک جاری رہیں گے جس کا انحصار ان کے مضامین کے انتخاب پر ہے۔

بیجنگ نمبر 44 مڈل اسکول کی طالبہ فین اپنے آمدہ امتحانات بارے پراعتماد ہے۔ انہوں نے کہا کہ انہیں یقین ہے کہ جامعہ یا کالج میں داخلہ لینے کے لئے کامیاب ہوجائیں گی، اس کے لئے مجھے صرف اپنی صلاحیتوں کے مطابق کام کرنے کی ضرورت ہے۔

انہوں نے کہا کہ اگر ان کے حتمی نتائج اچھے آئے تو وہ نفسیات میں داخلہ لیں گی۔ بصورت دیگر وہ پہلے ایک غیر ملکی زبان سیکھنے کا ارادہ رکھتی ہیں جس میں ترجیح فرانسیسی یا ہسپانوی ہوگی جبکہ نفسیات کی ڈگری وہ بعد میں حاصل کرلیں گی۔