بیجنگ (شِنہوا) نیو چیمپیئنز کا 14 واں سالانہ اجلاس 27 سے 29 جون تک چین کی شمالی بلدیہ تیان جن میں ہوگا۔ اسے سمر ڈیووس فورم بھی کہا جاتا ہے۔

قومی ترقیاتی اور اصلاحات کمیشن کے مطابق رواں سال سمر ڈیووس فورم کا موضوع " انٹرپرینیورشپ، عالمی معیشت کی محرک قوت" ہے۔ اس فورم نے سیاست، کاروبار، تعلیمی اداروں، سماجی و عالمی تنظیموں سے تعلق رکھنے والے 1 ہزار 500 سے زائد شرکاء کو اپنی سمت راغب کیا ہے۔

فورم کا مقصد ایشیا اور دنیا بھر میں اختراع اور انٹرپرینیورشپ کی دوبارہ حوصلہ افزائی ، معاشی بحالی و پائیدار ترقی کے ذرائع کی تلاش اور شرکاء کو چین اور ایشیا کے اقتصادی نقطہ نظر سے باخبر رکھنے میں مدد کرنا ہے۔