لان ژو (شِنہوا) رواں سال 2 ہزار برس سے زائد پرانی رتھ کی 22 نقلیں تیار کی گئی ہیں جو جنگجو ریاستوں کے آخری دور ( 221-475 قبل مسیح) سے تعلق رکھتی ہیں۔ انہیں چین کے شمال مغربی صوبہ گانسو کے ایک عجائب گھر میں نمائش کے لیے رکھا گیا ہے۔

ژانگ جیا چھوان کی ہوئی خوداختیارکاؤنٹی میں واقع ماجیا یوآن رتھ عجائب گھر کے مطابق ان نقلوں میں سے 8 مکمل حجم کی ہیں اور دیگر کو 1:4 کے تناسب سے چھوٹا کیا گیا ہے۔

عجائب گھر کے ایک نمائشی ہال کا رقبہ 2 ہزار 700 مربع میٹر ہے اور اس میں ماجیا یوآن ثقافتی آثار سے دریافت شدہ 500 سے زائد اشیا نمائش کےلئے رکھی گئی ہیں۔

ایک قبر کلسٹر مقام بارے خیال کیا جاتا ہے کہ اس کا تعلق شی رونگ کے مقامی قبیلے کی ایک معروف شخصیت سے ہے۔

چین، شمال مغربی صوبہ گانسو کے علاقے ژانگ جیا چھوان کی ہوئی خوداختیار کاؤنٹی میں واقع ماجیایوآن رتھ میوزیم میں نمائش کے لیے رکھی گئی قدیم رتھوں کی نقلیں دیکھی جاسکتی ہیں ۔ (شِنہوا)

ان کھنڈرات سے 69 رتھ اور 3 ہزار 600 سے زائد مدفون اشیاء دریافت کی گئی تھیں۔