بیجنگ (شِنہوا) چین بھر میں 2022 کے دوران مجموعی طور پر 4 ہزار 100 کلومیٹر نئی ریلوے لائنز فعال ہوئیں جس میں 2 ہزار 82 کلومیٹر تیز رفتار ٹریکس بھی شامل ہیں۔

چائنہ اسٹیٹ ریلوے گروپ کمپنی لمیٹڈ کے مطابق گزشتہ برس کے اختتام تک چین میں فعال ریلوے کی طوالت 1 لاکھ 55 ہزار کلومیٹر ہوچکی تھی، جس میں تیز رفتار نیٹ ورک کی فعال طوالت 42 ہزار کلومیٹر ہے۔

چین کے ریلویز بارے مستقل اثاثوں میں سرمایہ کاری 2022  کے دوران 710.9 ارب یوآن (تقریباً 105 ارب امریکی ڈالرز) تک پہنچ گئی جس سے ریل کے بنیادی ڈھانچے کی تعمیر کو فروغ ملا۔

گروپ نے کہا کہ وہ چین میں 2023 کے دوران 3 ہزار کلومیٹر سے زیادہ نئی ریلوے لائنز شروع کرنے کا ارادہ رکھتا ہے، جس میں 2 ہزار500  کلومیٹر تیز رفتار ٹرینوں کے لئے ہوں گی۔

ملک نے لوگوں کو آسان اور آرام دہ سفر کی بڑھتی ہوئی طلب کو پورا کرنے کے لئے دنیا کا سب سے بڑا تیز رفتار ریلوے نیٹ ورک تعمیر کیا ہے۔