فرینکفرٹ (شِںہوا) چین نے سال 2022 کے دوران 2 لاکھ 90 ہزار 258 صنعتی روبوٹس نصب کئے ہیں جو گزشتہ برس سے 5 فیصد زائد اور ایک بلند تر ین سطح ہے۔

انٹرنیشنل فیڈریشن آف روبوٹکس (آئی ایف آر) کی جاری کردہ ایک رپورٹ کے مطابق اس ایشیائی ملک میں دنیا میں سب زیادہ سالانہ تنصیبات ہوئیں اور وہ فہرست میں شامل دیگر ممالک سے بہت آگے ہے۔ چین دنیا میں صنعتی روبوٹس کی سب سے بڑی مارکیٹ ہے۔

انٹرنیشنل فیڈریشن آف روبوٹکس نے بتایا کہ یہ تازہ ترین اضافہ قابل ذکر ہے۔  چین 2021 میں بھی سرفہرست تھا  اور 2020 کے مقابلے میں ان 57 فیصد اضافہ ہوا تھا۔

فہرست میں چین کے بعد جاپان، امریکہ، جنوبی کوریا اور جرمنی کا نمبر آتا ہے۔

رپورٹ کے مطابق عالمی اقتصادی ترقی سست روی کا شکار ہے جس کے سبب صنعتی روبوٹس کی تعداد میں اضافے کا رجحان (2017 اور 2022 کے درمیان 13 فیصد سالانہ تھا ) 2023 میں جاری رہنے کا امکان نہیں ہے۔

انٹرنیشنل فیڈریشن آف روبوٹکس فرینکفرٹ میں 1987 میں قائم ہوئی تھی اور اس کے 20 ممالک میں ار اکین کی تعداد 90 سے زائد ہے۔