بیجنگ (شِںہوا) چین میں 2022 کے دوران حیاتیاتی اور ماحولیاتی معیار میں بہتری کا رجحان برقرار رہا اور سالانہ اہداف حاصل کرلئے گئے۔

وزارت حیاتیات وماحولیات کے ایک عہدیدار جیانگ ہو ہوا نے ایک پریس کانفرنس میں بتایا کہ گزشتہ برس چین میں ہوا کا معیار مستحکم تھا اور زیرزمین پانی کا معیار بہتر ہوا۔

وزارت کی جانب سے جاری کردہ ایک رپورٹ کے مطابق چین کی سمندری حدود میں پانی کا معیار، مٹی کی حالت، شہری علاقوں میں صوتی ماحول اور حیاتیاتی حالات 2022 میں عمومی طور پر مستحکم رہے۔

اسی عرصے میں ساحل پر سمندری پانی کا معیار عمومی طور پر بہتر ہوا اور نسبتاً اچھے معیار والے علاقوں کا تناسب 81.9 فیصد رہا جو گزشتہ برس کی نسبت 0.6 فیصد پوائنٹس زائد ہے۔

چین میں حیاتیاتی اور ماحولیاتی تحفظ کے مشکل کام کا تذکرہ کرتے ہوئے جیانگ نے کہا کہ آلودگی کے خلاف جنگ تیز کرنے اور ماحولیاتی معیار بہتر بنانے کی رفتار مستحکم کرنے کی مزید کوشش کی جائے گی۔