بیجنگ (شِنہوا) چین کی ٹیکسٹائل اور ملبوسات مصنوعات کی برآمدات میں گزشتہ برس اضافے کی شرح مستحکم رہی۔

چائنہ نیشنل ٹیکسٹائل اینڈ ایپرل کونسل کے مطابق 2022 میں برآمدات کی مالیت 323.3 ارب امریکی ڈالرز رہی جو گزشتہ برس کی نسبت 2.6 فیصد زائد ہے۔

ٹیکسٹائل برآمدات ایک برس قبل کے مقابلے میں 2 فیصد بڑھ کر 148 ارب امریکی ڈالرز تک پہنچ گئیں جبکہ ملبوسات اور لوازمات کی برآمدات 3.2 فیصد اضافے سے 175 ارب امریکی ڈالرز سے زائد رہیں۔

بڑے ٹیکسٹائل اداروں کی مشترکہ آپریٹنگ آمدن میں 2022 کے دوران گزشتہ برس کی نسبت 0.9 فیصد اضافہ ہوا اور یہ تقریباً 52.6 کھرب یوآن (تقریباً 780 ارب امریکی ڈالرز) رہی۔