بیجنگ (شِنہوا) چین کے اعلیٰ اقتصادی منصوبہ ساز ادارے نے کہا ہے کہ چین اقتصادی اور سماجی ترقی سے متعلق 2023 کے اہم اہداف کے حصول کی راہ پر گامزن ہے۔

قومی ترقی و اصلاحات کمیشن کے ترجمان لی چھاؤ نے ایک پریس کانفرنس میں بتایا کہ معاشی بحالی کا عمل جاری ہے اور ترقی دوست پالیسیوں کے اثرات کی بدولت  ملک کے پاس معاشی سرگرمیوں میں اضافے ، حوصلہ افزائی، عوامی توقعات بہتر بنانے اور خطرات سے نمٹنے کے لئے سازگار حالات اور صلاحیت موجود ہے۔

لی کے مطابق چین کے کنزیومر پرائس انڈیکس میں 2024 کے دوران معمولی اضافہ متوقع ہے جو  افراط زر کا ایک اہم پیمانہ ہے۔

لی نے کہا کہ نومبر کے اختتام تک  چین کی مقامی حکومتوں کو قرض کا اجرا عمومی طور پر مکمل ہوچکا ہے۔

لی نے کہا کہ مرکزی حکومت نے 10 کھرب یوآن (تقریباً 141 ارب امریکی ڈالر) مالیت کے اضافی مرکزی حکومتی بانڈز جاری کئے ہیں اور مالی تعاون سے چلنے والے منصوبوں کی پہلی کھیپ کا افتتاح کردیا ہے جس میں قدرتی آفات کی روک تھام اور تدارک کے مربوط نظام کی تعمیر جیسے شعبوں میں تقریباً 2 ہزار 900 منصوبے شامل ہیں۔