بیجنگ (شِںہوا) چین میں معیشت کی مجموعی بحالی کے سبب 2023 میں بجلی کے استعمال میں مستحکم اضافہ رہنے کا امکان ہے۔

چائنہ الیکٹریسٹی کونسل نے ایک رپورٹ میں بتایا کہ بجلی کا استعمال گزشتہ برس کی نسبت تقریباً 6 فیصد اضافے سے 91.5 کھرب کلو واٹ گھنٹے (کلو واٹ آورز) تک پہنچ جائے گی۔ توقع کی جارہی ہے کہ رواں سال کی دوسری سہ ماہی میں ترقی نمایاں طور پر تیز ہوگی۔

پہلی سہ ماہی میں بجلی کا مجموعی استعمال 21.2 کھرب کلو واٹ گھنٹے تک پہنچ گیا جو گزشتہ برس کی نسبت 3.6 فیصد زائد ہے۔

رپورٹ کے مطابق 2023 کے اختتام تک ملک میں بجلی کی پیداواری صلاحیت 2.8 ارب کلو واٹس سے زائد ہونے کی توقع ہے جس میں غیر فوسل ذرائع سے پیدا شدہ بجلی کا حصہ 52.5 فیصد ہوگا۔