بیجنگ (شِںہوا) چین 2023 کے لئے مقررہ کردہ اپنے ترقیاتی ہدف کے حصول بارے انتہائی پراعتماد ہے۔

قومی ادارہ شمارت کے نائب سربراہ شینگ لیایون نے ایک پریس کانفرنس میں بتایا کہ رواں سال کی پہلی 3 سہ ماہی میں چین کے جی ڈی پی میں گزشتہ برس کی نسبت 5.2 فیصد اضافہ ہوا اس نے 2023 کے لئے تقریباً 5 فیصد کے سالانہ شرح نمو کو ٹھوس بنیاد فراہم کردی ہے۔

شینگ نے مزید کہا کہ چوتھی سہ ماہی میں چین کے جی ڈی پی کو کم سے کم 4.4 فیصد کی شرح نمو درکار ہوگی جس سے اس کا سالانہ ترقیاتی ہدف پورا ہوجائے گا۔

قومی ادارہ شماریات کے عہدیدار کے مطابق اقتصادی بحالی کی بڑھتی رفتار، ترقی دوست پالیسیوں کا سلسلہ اور گزشتہ برس کی اسی مدت کے مقابلے میں نسبتا کم بنیاد چوتھی سہ ماہی میں ملک کی اقتصادی ترقی میں کردار ادا کرے گی۔

شینگ نے کہا کہ ابتدائی 9 ماہ میں رسد اور طلب میں مثبت بحالی اور بہتری ہوئی ہے۔  حقیقی معیشت کے شعبے کی توقعات اور آپریٹنگ صورتحال نے بھی مثبت اشارے دیئے ہیں ۔ جس سے امید ہے  چوتھی سہ ماہی میں بھی اقتصادی ترقی مستحکم رفتار سے جاری رہے گی۔

قومی ادارہ شماریات کے مطابق اس دوران سازگار پالیسیوں پر جیسے جیسے عمل درآمد جاری رہے گا اس کے مثبت اثرات ظاہر ہوتے رہیں گے۔