بیجنگ(شِنہوا) چین مستقبل کی صنعتی ترقی کے لیے 2025 تک انسانی شکل وصورت جیسے روبوٹس(ہیومنائیڈ روبوٹ) کے لیے ایک ابتدائی جدید نظام قائم کرے گا۔

وزارت صنعت و انفارمیشن ٹیکنالوجی کی طرف سے جاری کردہ رہنما خطوط کے مطابق، ملک میں 2025 تک ہیومنائیڈ روبوٹ مارکیٹ میں مہارت اور جدید ٹیکنالوجیز کے حامل کئی چھوٹے اور درمیانے درجے کے کاروباری اداروں کے ساتھ ساتھ  تین ہیومنائیڈ روبوٹ کمپنیوں کی حوصلہ افزائی کی جائے گی۔

گائیڈ لائن میں کہا گیا ہے کہ 2027 تک، ملک میں  ایک محفوظ اور قابل اعتماد صنعتی اور سپلائی چین کا نظام قائم کرتےہوئے متعلقہ مصنوعات کو حقیقی معیشت میں اچھی طرح سے ضم کیا جائے گا۔

گائیڈ لائن کے مطابق خاص طور پر ملک میں مینوفیکچرنگ اور دیگر متعلقہ شعبوں کے لیے  مواقع پیدا  کرتے ہوئے، مصنوعات کی ترقی کے لحاظ سے بنیادی اجزاء کی پیداوار کو مستحکم کرنے اور سافٹ ویئر کی جدت کو فروغ دیا جائے گا۔