بیجنگ(شِنہوا) چین نئی صنعتوں اور ترقی کے نئے محرکات کی ترقی کے لیے فوری طور پر درکار اعلی ہنر مند اہلکاروں کی تربیت کے عمل کو تیز کرے گا۔

وزارت انسانی وسائل وسماجی تحفظ کی عہدیدار  وانگ شیاؤ جون نے کہا کہ اہم قومی حکمت عملیوں سے متعلق شعبوں پر توجہ مرکوز کرتے ہوئے، وزارت اعلی ہنر مند افراد کو تیار کرنے کے لیے جدید اقدامات  اور منصوبے شروع کرے گی۔

انہوں نے کہا کہ خاص طور پر ڈیجیٹل ٹیکنالوجی انجینئرز کے لیے تربیتی پروگراموں کی ترقی کو تیز کرنے کی کوشش کی جائے گی۔

وزارت کے مطابق، گزشتہ سال، چین میں 1کروڑ80لاکھ لوگوں کو سرکاری امدادی پیشہ ورانہ تربیت فراہم اور انتہائی ہنر مند اہلکاروں کے لیے 115 تربیتی مراکز کی تعمیر میں معاونت کی گئی، جس میں بنیادی طور پر جدید مینوفیکچرنگ اور جدید خدمات کے شعبے شامل ہیں۔

وانگ نے اس بات پر بھی زور دیا کہ تارکین وطن کارکن ملک کی صنعتی افرادی قوت کا ایک اہم حصہ ہیں، انہوں نے کہا کہ اس گروپ کو مختلف شکلوں میں بڑے پیمانے پر پیشہ ورانہ تربیت فراہم کی جائے گی۔