بیجنگ (شِنہوا) چائنہ بین الاقوامی میلہ برائے سرمایہ کاری اور تجارت کا 23 واں ایڈیشن  8 سے 11 ستمبر تک چین کے مشرقی صوبہ فوجیان کے شہر شیا مین میں منعقد ہوگا۔

معاون وزیر تجارت چھن چھون جیانگ نے ایک پریس کانفرنس میں بتایا کہ اس چار روزہ ایونٹ میں ذہین مینوفیکچرنگ، ڈیجیٹل معیشت، سبز  اور کم کاربن اور دیہی بحالی سمیت موضوعات کا احاطہ کیا جائے گا۔ نمائش کا رقبہ 1 لاکھ 20 ہزار مربع میٹرز ہے۔

چھن نے کہا کہ میلے میں تقریباً 100 ممالک اور خطوں سے تقریباً 80 ہزار تاجروں کی شرکت متوقع ہے۔

میلے میں مختلف تحقیقی رپورٹس جاری کی جائیں گی اور اس میں تجارت و سرمایہ کاری کے فروغ بارے سرگرمیاں منعقد ہوں گی۔ رواں سال برازیل، سربیا اور قطر اس میلے میں مہمان ممالک کی حیثیت سے شریک ہوں گے۔

میلے کا انعقاد وزارت تجارت، متعدد ایسوسی ایشنز،عالمی تجارتی تنظیم سمیت بین الاقوامی تنظیمیں مشترکہ طورپر کرتی ہیں  جس کا مقصد بین الاقوامی سرمایہ کاری کی سرگرمیوں کا فروغ ہے۔ چائنہ بین الاقوامی میلہ برائے سرمایہ کاری اور تجارت ہرسال ستمبر میں شیامین میں منعقد ہوتاہے ۔