ہانگژو،چین (شِنہوا) اقوام متحدہ کی ایک عہدیدارنے کہا ہے کہ چین عالمی ڈیجیٹل معیشت کے لیے کھلے، جامع، منصفانہ اور شفاف نظام کو فروغ دینے کے لیےاپنے فعال تعاون کو جاری رکھے ہوئے ہے۔

اقوام متحدہ کے کمیشن برائے بین الاقوامی تجارتی قانون( یو این سی آئی ٹی آر اے ایل) کی سیکرٹری اینا جوبن بریٹ نے شِنہوا کو دیے گئے ایک تحریری انٹرویو میں کہا کہ ڈیجیٹل تجارت بین الاقوامی تجارت کے منظر نامے کی تشکیل میں ایک اہم کردار ادا  کررہی ہے، اور اس کی اہمیت مستقبل میں بڑھنے کی توقع ہے۔

جوبن بریٹ نے خاص طور پر چین کی تجارت میں ڈیجیٹل ٹیکنالوجیز خصوصاً مختلف صنعتوں میں بگ ڈیٹا، بلاک چین اور آن لائن پلیٹ فارم  کی تیز رفتار ترقی کا اعتراف کیا۔

جمعرات سے پیر تک جاری رہنے والی دوسری گلوبل ڈیجیٹل ٹریڈ ایکسپو کے موقع پر اینا جوبن بریٹ نے کہا کہ چین نے ڈیجیٹل شاہراہ ریشم کی تعمیر کا منصوبہ  شروع کیا ہے، جو 10 سال قبل تجویز کردہ بیلٹ اینڈ روڈ منصوبے کی تکنیکی جہت ہے، جو "ڈیجیٹل تجارت کے رابطوں کو بڑھانے میں چین کے تعاون کی ایک اور مثال ہے۔