بیجنگ (شِنہوا) چین کے نائب وزیر اعظم ہے لی فینگ نے کہا ہے کہ چین مواصلات و تبادلوں کو مضبوط کرنے، تجارت کو فروغ دینے اور سرمایہ کاری تعاون کے لئے ترقی کے محرک کی حوصلہ افزائی کرنے بارے بین الاقوامی برادری کے ساتھ مل کر کام کرنے کے لئے تیار ہے۔

کمیونسٹ پارٹی آف چائنہ کی مرکزی کمیٹی کے سیاسی بیورو کے رکن نے یہ بات 2023 کی عالمی تجارت و سرمایہ کاری فروغ بارے سربراہ اجلاس کی افتتاحی تقریب سے خطاب کرتے ہوئے کہی۔

انہوں نے کہا کہ اس سال دوبارہ سربراہ اجلاس کا انعقاد نہایت اہمیت کا حامل ہے۔

نائب وزیر اعظم نے کہا کہ چین اب دنیا کی معاشی بحالی اور بین الاقوامی تجارت و سرمایہ کاری میں یقین اور استحکام کی ایک طاقت ہے، چین اپنی ترقی کے ذریعے دنیا کے لیے مزید مواقع پیدا کرے گا۔

انہوں نے اس امید کا اظہار کیا کہ عالمی برادری بین الاقوامی تجارت اور سرمایہ کاری کو تیز کرنے کے لئے مل کر کام کرے گی اور عالمی معیشت کی بحالی میں مضبوط حوصلہ افزائی کرے گی۔