بیجنگ (شِنہوا) نوجوان چینی صارفین مقامی برانڈز میں گہری دلچسپی ظاہر کر رہے ہیں جبکہ درآمد شدہ مصنوعات بھی مقبول ہورہی ہیں۔

چینی ای کامرس کمپنی JD.com کی ایک رپورٹ کے مطابق ملک کے سالانہ آن لائن خریداری میلے "ڈبل 11" کے دوران اعدادوشمار کے تجزیہ سے یہ بات سامنے آئی ہے کہ 1990 اور 2000 کی دہائی میں پیدا ہونے والے صارفین تقریباً 62 مقامی برانڈز کی مصنوعات پر خرچ کرتے ہیں۔

یہ آن لائن خریداری میلہ عام طور پر اکتوبر کے اختتام سے نومبر کے وسط تک جاری رہتا ہے جس کا عروج 11 نومبر کو ہوتا ہے۔ اس میلے میں بڑے پیمانے پر بڑی رعایت پیش کی جاتی ہے۔

ای کامرس پلیٹ فارم پر بیرونی ملک کی مقامی خصوصیات کی حامل درآمد شدہ مصنوعات فروخت کرنے والے اداروں اور درآمد شدہ مصنوعات فروخت کرنے والی آن لائن سپرمارکیٹس کے مجموعی لین دین میں تین گنا سے زائد اضافہ ہوا۔

JD.comکے اعداد و شمار کے مطابق یورپی ممالک کی مصنوعات خاص طور پر فرانس ، جرمنی ، ہالینڈ ، اٹلی اور اسپین کی مصنوعات کافی مقبول ہیں۔

اس کے علاوہ کاسمیٹکس ، زچہ و بچہ مصنوعات  اور صحت کی مصنوعات سب سے زیادہ فروخت ہونے والی اشیاء میں شامل ہیں۔

"ڈبل 11" کو پہلی بار 2009 میں متعارف کرایا گیا تھا جسے دنیا کی سب سے بڑی کھپت مارکیٹس میں سے ایک تصور کیا جا تا ہے۔