بیجنگ (شِنہوا) چین 2025 تک قومی اور علاقائی سہولیات کے قیام سمیت آثار قدیمہ کے شعبے میں سائنسی تحقیق کے لیے اپنی صلاحیت کوبہتر بنائے گا۔ قومی ثقافتی ورثے کے ادارے نے بیجنگ میں جمعہ سے ہفتہ تک منعقدہ ایک اجلاس میں کہا کہ آثار قدیمہ اور ثقافتی آثار کے نمونوں کے لیے ذخیرہ کرنے کی ایک قومی سہولت تعمیر کرنے کے علاوہ ثقافتی آثار کے تحفظ کے ڈیٹا سنٹرکے قیام کا ابتدائی مرحلہ مکمل کیا جائے گا۔
اس کے علاوہ2035 تک، ثقافتی نمونوں کا ایک سائنس ٹیک انوویشن نیٹ ورک قائم کیا جائے گا جس میں متعدد تعلیمی مضامین اور شعبے شامل ہوں گے۔ ادارے کے سربراہ لی چھون نے کہا کہ آثار قدیمہ کے بڑے منصوبوں پر توجہ دینا ضروری ہے، جن میں چینی تہذیب کے ماخذ اور ابتدائی ترقی کا جامع مطالعہ اور آثار قدیمہ کے شعبے میں سائنس ٹیک جدت کی سہولت فراہم کرنا ہے۔
