بیجنگ (شِنہوا) چین کے بڑے صنعتی اداروں کے منافع میں رواں سال کے ابتدائی 10 ماہ کے دوران 3 فیصد کمی ہوئی ہے۔

قومی بیوروبرائے شمارت کے اعدادوشمار کے مطابق  2 کروڑ یوآن (تقریباً 28 لاکھ امریکی ڈالرز) سالانہ کاروباری آمدن رکھنے والے صنعتی اداروں کو اس مدت کے دوران مجموعی طور پر 69.8 کھرب یوآن کی مشترکہ آمدن ہوئی۔

اس مدت کے دوران ان اداروں کی آمدن میں شرح نمو برقرار رہی اور یہ گزشتہ برس کی نسبت 7.6 فیصد اضافے سے 1117.8 کھرب یوآن ہوگئی۔

قومی بیورو برائے شماریات نے بتایا کہ جنوری۔ اکتوبر کے دوران  41 بڑی صنعتوں میں سے 19 کے نفع میں اضافہ ہو۔ تیل و گیس کی تلاش کے شعبے میں گزشتہ برس کے اسی عرصے کی نسبت 1.1 گنا اضافہ ہوا جبکہ کان کنی اور واشنگ کی صنعت کے منافع میں اضافے کی شرح 62 فیصد رہی۔

قومی بیورو برائے شماریات کے سینئر شماریات دان ژو ہونگ نے نشاندہی کی ہے کہ منافع میں کمی کے باوجود مجموعی طور پر صنعتی اداروں کے کاروباری منافع کا ڈھانچہ بہتر ہوتا جارہا ہے جس میں درمیانی اور چھوٹے سطح کے کچھ اداروں کے نفع کی شرح میں اضافہ ہوا ہے۔