بیجنگ (شِںہوا) چین کی تجارتی گاڑیوں کی پیداوار اور فروخت میں رواں سال کی پہلی سہ ماہی کے دوران تیز رفتار اضافے کا سلسہ جاری رہا۔

چائنہ ایسوسی ایشن آف آٹوموبائل مینوفیکچررز نے بتایا کہ اس عرصے میں تجارتی گاڑیوں کی فروخت گزشتہ برس کی نسبت 15.9 فیصد اضافے سے 22 لاکھ 60 ہزار یونٹس جبکہ ان گاڑیوں کی پیداوار 16.9 فیصد اضافے سے 22 لاکھ 50 ہزار یونٹس رہی۔

اعداد و شمار کے مطابق کوچز اور ٹرکس کی پیداوار اور فروخت دونوں میں گزشتہ برس کی اسی مدت کی نسبت دو ہندسوں میں اضافہ ہوا۔کوچز کی فروخت گزشتہ برس کی نسبت 25.1 فیصد بڑھ کر 2 لاکھ 62 ہزار یونٹس رہی۔

صرف جولائی کے دوران چین میں تجارتی گاڑیوں کی فروخت 2 لاکھ 87 ہزار یونٹس رہی جو گزشتہ برس کی نسبت 16.8 فیصد زائد ہے۔

اعداد و شمار کے مطابق جنوری تا جولائی کی مدت میں چین کی تجارتی گاڑیوں کی برآمدات 4 لاکھ 27 ہزار یونٹس تک پہنچ گئیں جو گزشتہ برس کی نسبت 32.5 فیصد زائد ہے۔