بیجنگ (شِنہوا) چین کی بڑی فضائی کمپنیز میں سے ایک ہائی نان ائیر لائنز  ہولڈنگ کمپنی لمیٹڈ (ہائی نان ائیرلائنز) کے مسافروں کی آمدورفت میں سال کے پہلے 6 ماہ  کے دوران اضافہ ہوا ہے۔

2023 کے پہلے 6 ماہ کے دوران ہائی نان ائیر لائنز میں 2 کروڑ 84  لاکھ 60 ہزار مسافروں نے سفر کیا جو گزشتہ سال کے مقابلے میں 173.9 فیصد کا قابل ذکر اضافہ ہے۔

ہائی نان ائیر لائنز کے اعداد و شمار کے مطابق کمپنی کا مجموعی ٹرانسپورٹ ٹرن اوور بھی گزشتہ سال کی نسبت 133.38 فیصد بڑھ کر  4.62 ارب ٹن کلومیٹرز تک پہنچ گیا۔ 

رپورٹ میں یہ بھی بتایا گیا ہے کہ  سال کی پہلی ششماہی کے دوران کمپنی کی آپریٹنگ آمدنی 27.63 ارب یوآن (تقریباً 3.85 ارب امریکی ڈالرز) سے زیادہ تھی۔

غیر ملکی زرمبادلہ کے نقصانات کےاثرات کے علاوہ  ہائی نان ائیر لائنز نے کہا کہ اس مدت کے دوران اس نے منافع حاصل کیا ہے۔

ایئرلائن نے اپنے بین الاقوامی روٹس میں بھی نمایاں بحالی کی ہےجس میں کلیدی فعال اعداد و شمار میں قابل ذکر اضافہ ہواہے۔