ہائیکو (شِنہوا) چین کے جنوبی صوبہ ہائی نان کے ریزوٹ جزیرے کا لاکھوں سیاحوں نے جولائی کے آغاز سے دورہ کیا ہے جس کا مقصد اپنی موسم گرما کی تعطیلات سے لطف اندوز ہونا تھا۔ 

ہائی نان میں طویل عرصے سے رہائش پذیر وانگ شاؤ نے ایک ماہ میں مختلف علاقوں سے تعلق رکھنے والے 5 دوستوں کی میزبانی کی ہے۔

وانگ نے کہا کہ میرے بہت سے سابق ہم جماعت اور ساتھی اپنے اہلخانہ کے ساتھ چھٹیوں گزارنے ہائی نان آئے تھے۔ میرا سوشل میڈیا ان دوستوں کی اپ ڈیٹس سے بھرا پڑا ہے جو رواں موسم گرما میں دوسری علاقوں سے ہائی نان کا دورہ کررہے ہیں۔

شنگھائی میں رہائش پذیر وانگ کی کالج کی ہم جماعت تاؤ ژو  نے گزشتہ ہفتے اپنے شوہر کے ساتھ 5 دن ہائی نان میں گزارے۔ 

تاؤ نے ایک مہم جو تجربے کی تلاش میں  ایک کار کرایہ پر لی اور صوبے کے مشرقی ساحل کے ساتھ سفر شروع کیا جس میں ان کا منصوبہ  خوبصورت راستے کے ساتھ سانیا اور وین ننگ  شہروں سمیت دیگر اہم  مقامات پر ٹہرنے کا تھا۔ 

تاؤ  اپنی چھٹیوں سے بھرپور لطف اندوز ہوئیں ، سرفنگ اور غوطہ خوری جیسی سرگرمیوں سے لطف اٹھایا ۔ سرکہ ہاٹ پاٹ اور سمندری غذا جیسے مقامی پکوانوں کا ذائقہ چکھا۔

 انہوں نے سانیا میں رکنے کے لئے ایک مہنگے ہوٹل کا انتخاب کیا یہاں ان کے علم میں یہ بات آئی کہ مہنگے ہوٹلزمیں بھی رہائش کی شرح زیادہ ہے۔

تاؤ نے بتایا کہ رش کے سبب  بعض اوقات رہائش کے لئے کمروں کے تیار ہونے کا انتظار کرنا پڑتا ہے۔