فائل فوٹو، چین، جنوبی صوبہ ہائی نان کے ڈونگ ژائی گانگ قومی قدرتی افزائش گاہ میں بگلوں کا غول دیکھا جاسکتا ہے۔(شِنہوا)

بیجنگ (شِںہوا) چائنہ ڈیلی کی ویب سائٹ کی ایک رپورٹ کے مطابق صوبائی محکمہ تجارت نے کہا ہے کہ چین کے جنوبی صوبہ ہائی نان جزیرے کے گرد ایک سیاحتی شاہراہ کے 31 دسمبر کو مکمل طور پر کھلنے کی توقع ہے۔

فروغ سیاحت کے لئے استوائی جزیرے کے ارد گرد شاہراہ 12 ساحلی شہروں اور کاؤنٹیز جیسے ہائیکو، چھیان ہائی ، وان ننگ، سانیا اور یانگ پو اقتصادی ترقیاتی خطے میں موجود سڑکوں کو جوڑے گی۔ اور یہ چٹانوں، ویٹ لینڈز، ونڈ ملز، ناریل کے باغات، دریاؤں، دیہی علاقوں اور خصوصیات کے حامل دیگر مناظر سے گزرے گی۔

مرکزی شاہراہ کی مجموعی لمبائی 988.2 کلومیٹر ہے۔ راستے میں مقامی قدرتی اور ثقافتی خصوصیات کو اجاگر کرنے والے 40 تفریحی اسٹیشنز کے قیام کی منصوبہ بندی کی گئی ہے۔

محکمہ نے کہا کہ جزیرے کے اردگرد سیاحتی شاہراہ کی تعمیر جولائی 2021 میں شروع ہوئی جس کے بعد سے اب تک ہموار طریقے سے کام جاری ہے۔

تفریحی اسٹیشنز کی منصوبہ بندی اور ڈیزائن کا کام بین الاقوامی مقابلوں سے کیا جارہا ہے ۔ صوبہ شاہراہ اور اس کے اسٹیشنز کے لئے ایک مربوط انتظامی میکانزم بنائے گا اور اس آپریشن کے لئے منصوبے کی شناخت اور خدمت کا معیار یکجا کرے گا۔

محکمے کے ڈپٹی ڈائریکٹر یو یانگ نے کہا کہ ہم مقامی اورغیر ملکی کاروباری اداروں کو سڑک کے تفریحی اسٹیشنز کے منصوبوں میں حصہ لینے اور مشترکہ طور پر ہائی نان کے بین الاقوامی سیاحتی کھپت مرکز کی تعمیر میں حصہ لینے کی دعوت دیتے ہیں۔