بیجنگ (شِنہوا)  چین کی غیر  پیداواری شعبے کی سرگرمی میں اگست کے دوران توسیع جاری رہی جس کی وجہ خدمات کی بحالی اور مضبوط تعمیراتی صنعت ہے۔

قومی ادارہ شماریات کے مطابق اگست میں غیر  پیداواری شعبے کا پرچیزنگ منیجرز انڈیکس  51 تھا جو کہ جولائی میں 51.5 رہا۔

50 سے اوپر کی ریڈنگ توسیع جبکہ اس کے نیچے کی ریڈنگ سکڑاؤ کی عکاسی کرتی ہے۔

قومی ادارہ شماریات کے سینئر شماریات دان ژاؤ چھن ہی نے بتایا کہ موسم گرما کی تعطیلات میں کھپت کی بدولت اگست میں خدمات کے شعبے نے بحالی کی رفتار کو برقرار رکھا اور تعمیراتی صنعت میں بھی تیزی سے توسیع ہوئی۔

اگست میں خدمات کے شعبے کا  ذیلی انڈیکس 50.5 تھا۔  ٹرانسپورٹ، رہائش اور کھانے پینے کی کاروباری سرگرمیاں  مسلسل 2 ماہ تک 55 سے اوپر رہیں۔

قومی ادارہ شماریات کے مطابق تعمیراتی شعبے کا ذیلی انڈیکس رواں ماہ 53.8 رہا جو جولائی میں 51.2 تھا۔ اس شعبے کے امکانات بارے پرامیدی زیادہ رہی ہے۔