بیجنگ (شِنہوا) چین کے کوریئر کے شعبے میں جنوری کے دوران توسیع ہوئی ہے۔

ریاستی ڈاک بیورو کے مطابق چائنہ کا ایکسپریس ڈیلیوری ترقیاتی انڈیکس جنوری میں 265 رہا جو گزشتہ برس کی نسبت 1.5 فیصد زائد ہے۔

ترقی کے پیمانی کا ذیلی انڈیکس ایک برس قبل کے مقابلے میں 19.4 فیصد بڑھ گیا۔ چین کی ایکسپریس ڈیلیوری صنعت نے حالیہ بہار تہوار تعطیلات میں تقریباً 41 کروڑ پارسل نمٹائے جو 2019 کی ان تعطیلات کے مقابلے میں تقریباً دوگنا ہیں۔

چین نے ذہین بنیادی ڈھانچے کی تعمیر میں تیزی لانے اور سرحد پار ترسیل کی صلاحیت بہتر بنانے کی کوششوں میں اضافہ کیا ہے جس کے سبب ترقی کی صلاحیت کے ذیلی انڈیکس میں گزشتہ برس کی نسبت 0.9 فیصد اضافہ ہوا۔ 

ترسیل کے بڑے اداروں کی آپریٹنگ ڈیلیوری خدمات کے اعداد و شمار کی بنیاد پر تیار کردہ ترقیاتی انڈیکس ملک کے کورئیر شعبے کی مجموعی کاروباری سرگرمیوں اور رجحانات کی عکاسی کرتا ہے۔