بیجنگ (شِںہوا) چین کے کوریئر شعبے میں فروری کے  دوران  توسیع ہوئی ہے۔

ریاستی ڈاک بیورو کے مطابق چین کا ایکسپریس ڈیلیوری ترقیاتی انڈیکس فروری میں 254.8 رہا جو گزشتہ برس کی نسبت 11.1 فیصد زائد ہے۔

ریاستی ڈاک بیورو نے کہا ہے کہ ترقی ناپنے والا ذیلی انڈیکس ایک برس قبل کی نسبت 36.5 فیصد بڑھا ۔ ترسیل شدہ پارسل کے ماہانہ حجم میں گزشتہ برس کی نسبت 36 فیصد اضافہ ہوا جبکہ ایکسپریس ڈیلیوری کی آمدن میں 38 فیصد اضافہ ہوا ہے۔

ریاستی ڈاک بیورو کے مطابق ترقی کی صلاحیت اور رجحان دونوں کے ذیلی انڈیکس میں گزشتہ برس کی نسبت 8 فیصد سے زیادہ اضافہ ہوا ۔ توقع ہے کہ یہ شعبہ مارچ میں درمیانے درجے کی بلند شرح نمو برقرار رکھے گا۔

ریاستی ڈاک بیورو نے کہا ہے کہ چین میں کورئیر شعبے نے رواں سال 8 مارچ تک 20 ارب پارسلز کی ترسیل کی، یہ ہدف اس نے 2019 کی نسبت 72 دن قبل حاصل کیا۔ یہ چین کی ایکسپریس ڈیلیوری صنعت کی بھرپور قوت اور چینی صارفین کی مارکیٹ کی لچک اور صلاحیت کا اظہار ہے۔