جنیوا (شِنہوا) سوئٹزرلینڈ کے ایک معروف ماہرماحولیات نے دبئی میں جاری کوپ 28 کے دوران کہا ہے کہ چین قابل تجدید توانائی کے ذرائع اور اس میں سرمایہ کاری کے فروغ میں عالمی موسمیاتی اقدامات کی ایک بڑی قوت ہے۔

سولر امپلس فاؤنڈیشن کے بانی اور چیئرمین برٹرینڈ پکارڈ نے کوپ 28 یا موسمیاتی تبدیلی بارے اقوام متحدہ کے فریم ورک کنونشن کے فریقین کی کانفرنس کے 28 ویں اجلاس کے دوران شِنہوا کو بتایا کہ ہمیں شمسی توانائی سمیت ہوا، بائیو ماس، بائیو گیس، پن بجلی، جیوتھرمل جیسے ذرائع  سے سستی ترین قابل تجدید توانائی کی ضرورت ہے۔ انہوں نے کہا کہ چینی محققین اور چینی صنعتیں قابل تعریف ہیں کہ وہ سستے داموں اس کی پیداوار کررہے ہیں۔

اس وقت ایسے ماحولیات نظام کی فوری ضرورت ہے جو اقتصادی اور مؤثر ہو اور کا حل موجود ہے۔ ہمارے پاس وہ تمام حل موجود ہیں جو مؤثر اور ہر شعبے سے کچرہ کم کرنے کے قابل ہیں۔

پکارڈ خود بھی ایک مہم جو ہیں ۔ انہوں نے 1999 میں برائن جوزن کے ساتھ بریٹلنگ آربیٹر 3 غبارے میں دنیا بھر میں نان اسٹاپ بیلون پرواز کرنے والے پہلے شخص کا اعزاز حاصل کیا تھا۔

اقوام متحدہ کے ماحولیاتی پروگرام نے انہیں 2012 میں "چیمپیئن آف ارتھ" قرار دیا تھا۔

پکارڈ اور شریک پائلٹ آندرے بورشبرگ نے 2016 میں ہوائی جہاز سولر امپلس میں دنیا بھر میں شمسی توانائی سے چلنے والی اپنی پہلی پرواز مکمل کی تھی۔

انہوں نے کہا کہ ان کا مقصد واقعی سستی توانائی کا حصول ہے جو دنیا کے لئے صاف ہو۔ اس ضمن میں انہوں نے چین کی کوششوں کی تعریف کرتے ہوئے کہا کہ دنیا کو بچانے کا یہی واحد راستہ ہے۔