چین، شمالی اندرون منگولیا خوداختیار خطے کے شہر تونگ لیاؤ کے نیامن بینر میں ایک کسان مکئی کاشت کررہا ہے۔(شِنہوا)

ہوہاٹ (شِنہوا) چین کا شمالی اندرون منگولیا خوداختیارخطہ ملک کے بڑے اناج پیدا کرنے والے علاقوں میں سے ایک ہے۔ اس نے اب تک 4 کروڑ 98 لاکھ 90 ہزار مو (تقریباً 33 لاکھ ہیکٹرز) اعلیٰ معیار کے کھیت تیارکئے ہیں۔

علاقائی محکمہ زراعت اور مویشی بانی کے مطابق  یہ اعداد و شمار کل قابل کاشت رقبے کے 29 فیصد کے مساوی ہیں جو کہ خطے کی اناج کی پیداواری صلاحیت کے دوتہائی سے زیادہ حصے میں تعاون کرتے ہیں۔

اندرون منگولیا کے اعلیٰ میعار کے کھیتوں میں سے پانی کی بچت کا آب پاشی علاقہ 3 کروڑ 27 لاکھ 30 ہزار مو تک پہنچ چکا ہے جس سے سالانہ 3.3 ارب مکعب میٹرز پانی کی بچت ہورہی ہے۔ اس سے اناج کی اعلیٰ پیداواراور سبزماحولیاتی زراعت کی ترقی کے ساتھ  ہر کسی کے لئے فائدہ مند نتائج مل رہے ہیں۔

اندرون منگولیا ان 4 خطوں میں سے ایک ہے جہاں 10 کروڑ مو سے زیادہ زیر کاشت زمین ہے اور یہ چین میں اناج پیدا کرنے والے 13 بڑے علاقوں میں سے ایک ہے۔ یہاں مکئی، سویابین، آلو، باجرہ، جوار اور مونگ جیسی اہم فصلوں کی پیداوار ملک میں سرفہرست ہے۔