ہوہاٹ (شِنہوا) چین کے شمالی اندرون منگولیا خوداختیار خطے میں آئندہ 3 سال کے دوران ہون شان دیک کے ریتلی علاقے میں سماجی بہبود فنڈز سے 10 کروڑ یوآن کی سرمایہ کرنے کی منصوبہ بندی کی گئی ہے جس کا مقصد مقامی حیاتیاتی تنوع کو مزید بہتربنانا ہے۔

ہون شان دیک کا ریتلا خطہ بیجنگ سے صرف 180 کلومیٹر  دور اور چین کے چار بڑے ریتلے علاقوں میں شامل ہے ۔ یہاں کا حیاتیاتی ماحول قدرتی وجوہات اور انسانی سرگرمیوں کے سبب ایک نازک صورتحال سے دوچار ہے۔ یہاں سبزہ کم ہورہا ہے جس کی وجہ سے بار بار گرد آلود اور ریت کے طوفان جنم لیتے ہیں۔

چین نے ریتلی زمین پر شجرکاری کا آزمائشی منصوبہ 2018 میں شروع کیا تھا۔

محکمہ علاقائی جنگلات اور سبزہ زار کے مطابق کاروباری اداروں سمیت معاشرے کے تمام شعبے ریتلی زمین پر بڑے پیمانے پر جنگلاتی فارم کے آزمائشی منصوبہ میں تعاون کے لئے 3 سال میں 10 کروڑ یوآن کا عطیہ دیں گے۔

سماجی فنڈز ماحولیاتی بحالی اور مقامی جنگلات اور سبزہ زار کے تحفظ اور صحرائی زمین کی بہتری پر خرچ کیا جائے گا۔

محکمہ نے بتایا کہ اس عمل سے مقامی جنگلات اور گھاس کی صنعت کی ترقی کو مزید تقویت ملے گی جس سے مقامی کسانوں اور چرواہوں کی آمدن میں اضافہ ہوگا۔