بیجنگ(شِنہوا)چین نے برطانوی حکومت کی طرف سے جاری کردہ نام نہاد رپورٹ کی مذمت اور مخالفت کرتے ہوئے اسے ہانگ کانگ کے معاملات میں صریح مداخلت اور بین الاقوامی قانون اور بین الاقوامی تعلقات کے بنیادی اصولوں کی خلاف ورزی قرار دیا ہے۔
ان خیالات کااظہارترجمان وزرات خارجہ ماؤ ننگ نے باقاعدہ پریس بریفنگ میں ہانگ کانگ کے بارے میں ششماہی رپورٹ سے متعلق ایک سوال کا جواب دیتےہوئے کیا، جس میں ہانگ کانگ کے معاملات پر تنقید کی گئی ہے۔ ماؤ نے کہا کہ ہم نے اس نام نہاد رپورٹ میں عائد کردہ معمول کے غیر ذمہ دارانہ اور حقائق کے برعکس الزامات دیکھے ہیں۔
اس بات کا ذکرکرتے ہوئےکہ ہانگ کانگ کی کامیابی سے انکارنہیں کیاجاسکتا،ترجمان نے کہا کہ مادر وطن میں واپسی کے بعد سے، ایک ملک، دو نظام ہانگ کانگ میں کامیابی سے ہمکنار ہوا ہے، جسے وسیع پیمانے پر تسلیم کیا جاتا ہے۔ "ہانگ کانگ نے چین کی ترقی میں خود کو فعال طور پر ضم کر لیا ہے اوروہ چینی سرزمین اور باقی دنیا کے درمیان ایک اہم پل اور کھڑکی کے طور پر کام جاری رکھے ہوئے ہے۔
