بیجنگ (شِنہوا)چینی ماہرین نے کہا ہے کہ ان کا ملک انسانی ترقی اور پائیدار ترقی کے اہداف میں پیش رفت کرنے کے حوالے سے ایک کلیدی ملک رہا ہے اور مستقبل میں بھی اس کا یہی کردار رہے گا۔

اقوام متحدہ کے ترقیاتی پروگرام (یو این ڈی پی) اور تسنگھوا یونیورسٹی کے چائنہ انسٹی ٹیوٹ فار ڈویلپمنٹ پلاننگ کی جانب سے منعقدہ فورم سے خطاب کرتے ہوئے  تسنگھوا یونیورسٹی  کےنائب صدر پھینگ گانگ نے کہا کہ گزشتہ 40 سالوں میں، چین نے انتہائی غربت میں رہنے والے لوگوں کی تعداد میں عالمی سطح پر تقریباً تین چوتھائی کمی کی ہے،جس کے بغیر اقوام متحدہ کا ملینیم ڈیولپمنٹ گول 1 کامیابی سے حاصل نہیں ہو سکتا تھا۔

انسٹی ٹیوٹ کے وائس ڈین یانگ یونگ ہینگ نے اظہار خیال کرتے کہا کہ 1990 میں یو این ڈی پی کی جانب سے ہیومن ڈویلپمنٹ انڈیکس (ایچ ڈی آئی) شائع کرنے کے بعد سے چین وہ پہلا ملک ہے جو کم انسانی ترقی کی کیٹیگری سے  اعلیٰ انسانی ترقی کی کیٹیگری میں چلا گیا ہے۔ چین کا ایچ ڈی آئی 2021 میں 0.768 تک پہنچ گیاتھا۔

یانگ نے کہا کہ چین ان چند ممالک میں سے ایک ہے جہاں کوویڈ-19 کی وبا  دوران ایچ ڈی آئی  میں اضافہ ہوا۔ اس کے برعکس، 2021 میں، 196 ممالک اور خطوں میں سے 156 میں ایچ ڈی آئی میں وبا سے پہلے کے مقابلے میں کمی واقع ہوئی۔

یو این ڈی پی کے ایشیا و بحرالکاہل کے علاقائی بیورو کے ڈائریکٹر کنی وگناراجا نے کہا کہ انسانی ترقی کا مطلب لوگوں کے مواقع اور انتخاب کو وسعت دینا، ان کی فلاح و بہبود کو بہتر بنانا اور آنے والی نسلوں کی زندگیوں کی حفاظت کرنا ہے۔اس کا مطلب ہے کہ دیگر مسائل کے علاوہ موسمیاتی تبدیلی سے نمٹنے اور توانائی کی منصفانہ منتقلی کو تیز کیا جائے۔