ڈبلن (شِنہوا) چین کے وزیراعظم لی چھیانگ نے کہا ہے کہ چین۔ آئرلینڈ تعلقات اور تعاون میں وسیع پس منظر اور امکانات موجود ہیں۔

چینی وزیراعظم لی چھیانگ نے یہ بات آئرلینڈ کے سرکاری دورے پر ڈبلن ائیرپورٹ پہنچنے پر کہی۔ ہوائی اڈے پر آئرش وزیر برائے ماحولیات، موسمیات ، مواصلات اور ٹرانسپورٹ ایمن ریان اور آئرلینڈ میں چینی سفیر ہی شیانگ ڈونگ نے ان کا استقبال کیا۔

لی چھیانگ  نے کہا کہ رواں سال چین ۔ آئرلینڈ سفارتی تعلقات کے قیام کی 45 ویں سالگرہ ہے۔ گزشتہ 45 برس میں چین اور آئرلینڈ نے باہمی احترام پر عمل کرتے ہوئے ایک دوسرے کے ساتھ برابری کا برتاؤ کیا جس سے مختلف تاریخ، ثقافت اور سیاسی نظام کے حامل ممالک کے درمیان دوستانہ بقائے باہمی اور باہمی فائدے مند تعاون کی ایک اچھی مثال  قائم ہوئی۔

انہوں نے کہا کہ حالیہ برسوں میں خاص کر دونوں سربراہان مملکت کی اسٹریٹجک رہنمائی اور مشترکہ پیشرفت کے تحت چین۔ آئرلینڈ تعلقات نے مستحکم اور پائیدار ترقی کو برقرار رکھا اور مختلف شعبوں میں تعاون کے نتیجہ خیز نتائج برآمد ہوئے۔

چینی وزیراعظم نے اس بات کا تذکرہ کیا کہ چین اور آئرلینڈ ایک جیسے ترقیاتی تصورات اور مشترکہ مفادات رکھتے ہیں۔

انہوں نے کہا کہ چین دونوں سربراہان مملکت کے درمیان طے شدہ اہم اتفاق رائے پر عمل درآمد کے لئے آئرلینڈ کے ساتھ کام کرنے اور نئے نتائج کے حصول میں باہمی فائدہ مند تعاون کے لئے چین ۔ آئرلینڈ اسٹریٹجک شراکت داری میں پیشرفت کو تیار ہے تاکہ دونوں ممالک اور ان کے عوام کو مسلسل فائدہ پہنچے۔

چینی وزیراعظم لی چھیانگ عالمی اقتصادی فورم کے سالانہ اجلاس 2024 میں شرکت اور سوئٹزرلینڈ کا سرکاری دورہ مکمل کرکے آئرلینڈ پہنچے تھے۔