بیجنگ(شِنہوا) چین کے مشرقی شہر چھنگ ڈاؤ اور بیلجیئم کے شہر لیج کے درمیان ہوائی کارگو روٹ کا منگل کو آغاز کردیا گیا،جو چین اور یورپ کے درمیان ایک نئے ایئر لاجسٹک چینل کا اضافہ ہے۔ کارگو ایئرلائن، ایس ایف ایئرلائنز کے مطابق اس روٹ پر ہر ہفتے چین اور یورپ کے درمیان دو راؤنڈ ٹرپ کارگو پروازیں چلائی جائیں گی، جس سے 400 ٹن ایئر ایکسپریس کی گنجائش کا اضافہ ہو گا۔

اس نئے روٹ کے کھلنے سے پہلے، ایئر لائن نے یکم اپریل کو چین کے وسطی صوبے ہوبے کے شہر  ای ژو اور بیلجیم کے شہر لیج کے درمیان ایک نیا کارگو روٹ شروع کیا تھا۔ ایس ایف ایئرلائنز  چین کے معروف کورئیر انٹرپرائز ایس ایف ایکسپریس کی ہوا بازی کی شاخ ہے۔ یہ ملک کا سب سے بڑا ایئر کارگو کیریئر ہے جو 80 مال بردار جہازوں کا بیڑا چلاتا ہے۔