نئی دہلی (شِنہوا) چین اور یورپی رہنما نئی دہلی میں دو روزہ گروپ20 (جی 20) کے سربراہی اجلاس کے موقع پر موثر بات چیت میں مصروف رہے جس کے دوران دوطرفہ  تعلقات کی مستحکم ترقی کو فروغ دینے کی کوشش کی گئی۔   چینی وزیراعظم لی چھیانگ نے ہفتہ کی سہ پہراطالوی وزیراعظم جارجیا میلونی سے ملاقات کی، دونوں ممالک  کے درمیان گزشتہ 19 سال سے جامع تزویراتی شراکت داری قائم ہے ۔ لی نے اسی دن یورپی کمیشن کی صدر ارسلا وان ڈیر لیین کے ساتھ بھی تبادلہ خیال کیا جو  تقریباً پانچ ماہ میں ان کی یہ دوسری ملاقات تھی۔  جی 20 سربراہی اجلاس میں لی کی شرکت وزیر اعظم کی حیثیت سے ان کا یہ دوسراغیر ملکی دورہ تھا۔ جون میں، لی نے جرمنی اور فرانس کا دورہ کیا، جس سے چین-یورپ مضبوط تعلقات کی بڑی صلاحیت سامنے آئی تھی۔  سربراہی اجلاس کے تیسرے سیشن میں شرکت کے فوراً بعد، لی نے اتوار کو برطانوی وزیر اعظم رشی سونک سے ملاقات کی، جو تقریباً پانچ سالوں میں کسی چینی وزیر اعظم اور برطانوی وزیر اعظم کے درمیان پہلی  ملاقات تھی۔ بعد میں، لی نے یورپی کونسل کے صدر چارلس مشیل کے ساتھ تقریباً تین ماہ میں دوسری ملاقات کی۔